銀座炎蔵燒肉📍荔枝角

老公今日都放假～可以拍拖拖 Lunch就去左荔枝角行街 見到呢間午市定食幾唔錯就試下 座位非常寬敞～啱晒我呢d腳長人士 兩個🐮魔王揀左 L7和牛上等肋肉定食$198 配沙律，湯，加$22要白桃乳酸梳打 店員有講解，開爐後3分鐘，先前牛肋肉。 一路燒一路聞到好香，第一件食原味加啖飯，好香牛同和牛獨有既牛油香，第二啖加少少鹽，更突出牛肋肉既肉香，第三啖同泡菜一齊食，中和左油膩感，一次過滿足3種味道。 湯雖然睇落好清澈，飲落有少少胡椒白，幾好。沙律菜新鮮加埋醋好開胃，青椒紫洋蔥好脆口。 白桃乳酸梳打唔會太甜，解膩一流。 L6和牛西冷大判燒＆赤身定食$298 配沙律，湯，加$22要菠蘿乳酸梳打 店員話燒西冷可以搵佢地幫手燒 所以我地先燒左和牛芯芯 燒十幾秒就食得，蘸埋生雞蛋一啖飯真係正到無朋友 跟住燒下大蔥呀瓜咁就搵左店員幫忙，店員亦好細心會問我地想食生d定熟d，梗係生d可以食到牛既嫰滑 燒好會幫我地切一半，細心提醒蘸蛋汁會更好食。 菠蘿乳酸梳打好香菠蘿味，酸酸甜甜，比起白桃味會濃少少。 如果有個錫紙兜比我倒d蛋汁熱一熱，變晒蒸蛋撈飯就好啦🤣好食到雞都唔想放過。 店員好好服務，下次會再嚟試埋其他。