九龍東皇冠假日酒店親子Staycation

房間：City Cornerview Room 3907 團體類型：家庭（一大兩細） 價錢：$1230（永安優惠）+$935（酒店upgrade） package內容：$1,200餐飲消費額，免費一小時單車體驗，Sense of Touch Spa $400按摩療程折扣優惠X2，兩大兩細lounge access（包自助早餐、三層架下午茶、炸雞拼盤、welcome drink） 總評：適合家庭入住、價格相宜、性價比高 其實呢個package我係入住前幾日先book，中間幾日一路電郵同電話問佢哋upgrade詳情都問唔到答案，最後去到酒店排隊我先最後搏一搏再打一次問佢，然後得到價錢850加一upgrade上Cornerview room，包兩大兩細嘅lounge access，個小姐仲親自落嚟同我解釋，叫我排條快隊，其實佢哋service都幾好嘅，不過可能係太多客，所以做唔切。 跟住搭𨋢又搵唔到，因為佢有兩邊，搵到又等好耐同搭好耐，因為佢層數太多，我哋三十九樓，每次上落都要遊𨋢河😂。 房間我係滿意嘅，大細適中，望山城景，因為落雨又多雲，空山靈雨都好有feel。浴缸夠大，睇到電視，一家大細一齊浸浴缸、睇電視、飲汽水都幾chill。房間mini bar係免費嘅，包咗四罐嘢飲，另外再有兩罐迎賓飲品，total六罐，同埋唔知係咪知我哋係家庭，所以送咗包糖，雖然呢啲唔係咩值錢嘢，不過有呢啲小心思，都幾討喜。房間唯一缺點係電視唔夠清。 擺低嘢之後就去lounge食下午茶，原本以為係得幾件小點心，點知原來係每人一個三層架下午茶，雖然我哋得三個人，但佢可以畀足四個我哋，一個打包攞走，個小姐仲問我哋使唔使攞埋啲嘢飲走，都幾好服務。呢個下午茶就算自己嚟食都抵，因為佢有送護膚品嗰啲，本身都係百令蚊一個人，又有靚景睇。 食完嘢就去踩單車，呢個要之前book定嘅，不過佢小朋友單車唔多揀，我女要踩無輔助轆嘅，佢有輔助轆嘅單車不過好細架，變咗成程我都係推單車，冇乜點踩過😂 。我仔就揀咗滑板車，有一個鐘頭一齊做下運動其實都幾好。 跟住返房沖個涼就去星幕食晚餐，我係特登揀呢間餐廳嘅，因為佢有沙律吧同甜品吧，叫set dinner就包埋，或者散嗌再加錢，大人加150，小朋友加114。但我哋叫兩個set dinner（晚餐兩大兩細），小朋友就咁叫嘢食唔使加錢都可以一齊食。最後我哋食多咗二百零蚊，全部一千四百幾蚊仲可以做會員儲返分。呢間餐廳其實就算自己食飯都抵，一個set dinner 398加一，已經係fine dining質素，openrice仲有優惠券有折。 第二朝自助早餐嘢食都算多同唔錯，基本上滿意。 然後因為黑雨，都係返房浸浴缸，直至check out。佢個泳池第一日因為雷暴警告唔開，第二日又黑雨所以冇遊過。泳池分時段入場，每次都係先到先得，冇得book定。 我哋check out之後去咗附近單車館租單車踩，三架單車120，又踩咗一個鐘。因為我哋住港島西，幾乎冇乜點嚟過將軍澳，所以我覺得呢個trip都幾好，食住玩都有，又唔貴，總體好評👍🏻，希望呢個post幫到家庭入住嘅爸爸媽媽參考😊❤️ #高cp值飯店 #夏天去哪兒 #全家出遊 #冬遊記 #抵玩酒店