超享受高質午市鐵板燒

好耐冇食鐵板燒，所以就約好友嚟享受高質正宗又好服務嘅午市鐵板燒啦！ 我地叫左 澳洲龍蝦．美國Prime 肉眼薄燒9道菜午市套餐，真係未開始已經大流流口水。 精緻嘅前菜三小點，爽口嘅牛蒡、有鹹香脆口嘅明太子沙律，同埋香濃煙燻味又嫩滑嘅煙燻雞肉。沙律方面有火龍果配上沙律菜再加入柚子汁，酸酸甜甜好開胃呀！ 我地嘅主菜出嚟啦，睇見都覺得好吸引，再加埋師傅係你面前即時烹煮，絕對係一種享受。 先嚟 鮮活澳洲龍蝦龍蝦，龍蝦肉超爽口彈牙，最吸引就係用左龍蝦膏製成嘅醬汁，可以更加提鮮之外，整碟都充滿濃濃嘅龍蝦嘅味道。食哂啲龍蝦肉之後，店員姐姐就會收起龍蝦嘅蝦頭，準備龍蝦味噌湯。 就係依個時間，店員姐姐就為我地送上 茶碗蒸，入口蛋身很嫩滑而且加入黑松露油同鰹魚湯，令到個蛋香味更加突出，再加埋底下有木魚絲同三文魚籽，真係好好食呢。 淡淡嘅龍蝦香配上味噌湯就令到湯嘅鮮味提升，味道唔錯。 嚟到美國Prime肉眼薄燒卷，五成熟嘅肉眼薄燒牛香味已經好濃，再配埋內裏包裹菇菜一齊食，口感十分豐富。餐廳雖有提供燒汁、麵豉汁及麻醬，但薄燒卷本身調味已經夠味，所以只配上燒蒜一齊食就已經好好食。當然唔好漏左幾款燒野菜，成個組合真係食出驚喜來。 嚟到鐵板炒飯，佢嘅分量真係非常足，加左白飯魚、櫻花蝦同自家製嘅酸梅汁去炒，既有櫻花蝦嘅鮮味，又有酸梅嘅微酸，味道都幾得意，而食到一半仲可以加鰹魚湯變為茶漬飯，一飯兩食兩種唔同口感。 最後就嚟隨到甜品時間，先嚟一粒紅豆Mochi，之後師傅再為我地準備焦糖多士，依個多士絕對係我杯茶，脆卜卜又甜甜地，雖然係極度邪惡，但又真係忍唔到口一條接一條咁食呀！ 📍尖沙咀金馬倫道23號金馬倫廣場2樓B號舖 #三日月 #報名酒店試睡員