啟德日式洋食餐廳ALOT

生活需要儀式感，就好似日式洋食一樣，五顏綠色多姿多彩，處處充滿驚喜😆今日帶朋友嚟呢一間位於啟德Airside嘅日式洋食餐廳「Relish Kitchen by ALOT」開餐，餐廳提供融入日式烹調特色或食材嘅和式料理，而另一邊係傢俬精品店，整體以木系設計為主，好有家的感覺，營造出休閒風格✔️餐廳內擺放咗好多藝術擺設，中間仲有個好大嘅月球裝置，感覺上好似去咗間藝術館咁‼️ 是日餐湯係周打忌廉湯，忌廉湯呈白色，有兩粒厚多士懸浮於湯面上，個湯滑溜偏稠身，有濃厚奶油味，仲有少少清甜粟米粒，口感好豐富～ 蒲燒鰻魚野菌意大利飯 係味道同口感十分驚豔嘅一道菜！將日式鰻魚加入西式Risotto當中，賣相相當吸引～鰻魚經過鹹甜醬汁反覆浸泡，肉質細緻綿密，燒得香口惹味～除咗有大大塊厚肉鰻魚鋪於飯面外，仲有菇菌、青瓜等配料，伴紫菜及木魚絲更滋味。另外通常傳統嘅意大利飯係比較硬，呢度嘅意大利飯就調整咗軟硬度，飯粒黏身而質感煙韌，唔會太過硬身，醬汁方面十分Creamy，每一粒義大利米都充滿濃郁嘅燒汁及忌廉香氣，更吸盡所有材料嘅味道精華✨ 鮮澳洲黑毛安格斯100天穀飼牛肉眼伴炒野菜及山葵幼滑薯蓉 穀飼牛追求嘅油脂含量較多，因此油花分布均勻，亦係草飼牛所缺少嘅優點，煎牛扒香氣濃郁主要係因為有油脂💯 所以穀飼牛先會咁鮮美軟嫩～而安格斯牛作為大家公認嘅牛肉屆嘅高級別，含豐富大理石花紋，白色脂肪同鮮紅色嘅肌肉係佢與眾不同嘅天然優勢！廚師喺時間嘅拿捏上相當準繩，火喉控制得剛好，表面上有燒焦坑紋，中間帶點粉嫩，咬落好juicy，肉質有彈性仲帶少少鮮甜味。伴碟嘅山葵薯蓉幼滑如絲，有陣陣奶香又夠軟綿，加上色彩繽紛嘅炒野菜，好解膩😚 焦糖千層酥配馬達加斯加雲呢拿吉士 面頭有一層繽紛新鮮水果，令整件甜品有如迷你花園咁精緻搶眼，千層酥皮好薄好酥，顯得親密無間又層層分明（對得住佢嘅名字😂）吉士醬混入新鮮雲呢拿籽，順滑濃郁、甜度適中。酥皮嘅焦香酥脆隨住吉士醬滑入喉嚨間，一份香與酥結合嘅甜品就此誕生～ 一般人都會喺品嚐甜品時飲一杯茶，我就揀咗玉露茶，沿著喉嚨滑下，茶香令人好舒服，飲完成個身都暖晒！而朋友揀咗Dirty咖啡，隨著咖啡同奶慢慢相融，每啖都有不同嘅層次變化！ 🥢Relish Kitchen by ALOT #hkig #hkigfood #hk #hkfood #hk852 #hkfoodblogger #hkinfluencer #hkgirl #kolhk #hkdining #hkfoodie #hongkongfood #hkfood #hkfoodstagram #香港好去處 #啟德 #鑽石山 #hkcoffee #hkcafe #cafehk #airside #kaitak #relish #relishkitchen #alot