Amplifier Restaurant📍大圍

今日同老公一齊放假撐下枱腳先😆 上次同好姊妹已經去過旺角分店覺得唔錯 所以今日同老公試埋大圍店 選擇困難係絕對會叫二人餐 頭盤兩個都想食 咁餐就揀精選生蠔（4隻） 大大隻好新鮮～ 再加$38要一份經典新鮮藍青口咪唔使爭 絕對無將貨就價，有埋多士比你蘸汁食 跟住係5揀2之中 必食巴馬火腿配蜜瓜 最鍾意咸香既火腿卷住甜甜既蜜瓜～開胃一絕 蒜香牛油田螺酥皮盒 賣相好靚仔～酥皮盒好鬆化好香牛油味 田螺有咬口配埋沙律菜解膩 蟹肉龍蝦龍湯～ 一上枱就好香濃蝦味，有蟹肉絲真材實料 主菜揀左香蒜帆立貝蕃茄醬意大利麵 3大粒帆立貝，意粉軟硬適中有咬口唔會太腍 蕃茄醬亦唔會太酸，啱我地兩公婆口味 5小時慢煮美國威靈頓牛柳 有兩件厚厚既～仲有焗到好正既蒜頭 底下有綠油油既蔥墊住 外面酥皮唔錯牛柳仲係粉紅色 重牛味，肉質嫰滑 飲品要左白酒＆凍檸茶 因為老公仲要去打波就唔飲酒 我就覺得西餐點都要配番杯酒（其實係搵藉口飲） 甜品：朱古力蛋糕配咖啡味慕絲～生果～馬卡龍 朱古力蛋糕配埋慕絲食幾夾，馬卡龍唔太甜 老公果杯係奶凍～ 整體食物都唔錯，座位寬敞，有梳化位幾好，裝修復古同旺角有d唔同，樓上仲有一層。店員親切有禮，訂左位早到都可以入，會主動收碟加水，下次會再嚟試其他。