日式壽喜燒 | 高性價比

天氣涼涼地 最啱食壽喜燒 最近去左間餐廳 主打日本產和牛 有多款日式料理菜式選擇 以木系格調為主 卡位坐得好舒適 ✨壽喜燒套餐 $596 呢個套餐每人只需$298，套餐嘅內容好豐富，有沙律、和牛壽司、和牛、豬肉、雞肉拼盤、白飯或烏冬同餐飲。湯底有清湯或壽喜燒湯底選擇，我哋今次就揀咗壽喜燒湯底，湯底味道濃厚甘甜，同和牛好夾。壽喜燒鍋有好多配料，包括香菇、金菇、大蔥、小松菜、娃娃菜、蒟蒻、白蘿蔔、薯粉等等。 -和風薯仔沙律 薯仔沙律質感好creamy，仲配有半隻糖心蛋。 -薄燒和牛壽司 店員會喺顧客面前燒塊和牛，有得自選熟度，我哋就揀咗五成熟。和牛燒完之後油脂感豐富，入口即溶，非常高質。 -和牛、豬肉、雞肉拼盤 每款肉類都有100g嘅份量，兩個人食啱啱好。主角和牛嘅色澤好靚，油脂分布好平均，淥完之後吸收哂壽喜燒湯底嘅香味，食落口感好juicy。豬肉嘅肥瘦均勻，厚度啱啱好，食落口感好有層次。雞肉食落亦都好嫩滑。 #cablfoodreview_quarrybay 📍和牛88 鰂魚涌基利道7號太吉樓地下1A號舖 #hkfoodpic #foodstagram #foodiegram #hkfoodie #foodie #foodiepic #foodphoto #foodshare #foodiehk #852food #吃貨人生 #餐廳 #鰂魚涌美食 #美食日記 #相機食先 #鰂魚涌食乜好 #和牛88 #壽喜燒 #香港景點