人氣日式鐵板燒

#香港景點 今日同朋友去海之戀商場行街，順便搵個地方食晚飯，記得朋友之前提過呢度有間日式鐵板燒好高人氣，今日乘機去試吓先😋餐廳環境寬敞舒適，裝修走日本居酒屋風格氣氛滿滿，仲有吧枱座位可以邊食邊睇廚師表演，食物質素不錯。 鐵板帆立貝 一上枱已經聞到香噴噴，帆立貝大大粒好厚肉，好新鮮～ 安格斯肉眼扒 安格斯肉眼扒煎得好香，鮮嫩帶有肉汁，旁邊仲有香蔥蒜粒同醬汁可自行調教味道，個人認為不用加配料也相當好味。 銀鱈魚 銀鳕魚煎得香脆內𥚃軟滑，食到停唔到口～ 加拿大龍蝦 龍蝦肉好新鮮超彈牙，仲有好多蝦膏，啖啖肉超滿足～龍蝦鉗個殼仲預先剪開咗好容易食好細心👍🏻餐廳仲會提供埋手套，唔怕整污糟雙手。 清酒煮蜆 出場好特別～未食見到都好有趣😂👍🏻包裝到好似禮物🎁清酒經過煮熱後味道更加香濃，放入新鮮嘅蜆實在是絕配。 松葉蟹肉海膽炒飯 松葉蟹肉配海膽同樣係絕配組合，令成個炒飯鮮味更加提升，飯粒炒得好香口，粒粒分明，口感煙靭。 朱古力炸彈(4件 ) 外面脆卜卜，內裏藏住流心朱古力，一口咬落去超正口感😋 鐵板燒當然配美酒🥃 冰雜果燒酎｜京姬 柑熟 柚子x檸檬酒 Hungry Monkey 📍荃灣大河道100號海之戀商場3樓3016號舖 ☎️（+852) 92916187 •♡•♡•♡•♡•♡•♡•♡•♡ •♡•♡•♡•♡• #foodie #food #foodpic #foodphoto #yum #yummy #delicious #tasty #相機食先 #手機食先 #hkfood #香港美食 #美食 #hkig #ighk #hungrymonkey #鐵板燒 #海之戀 #荃灣美食 #荃灣