港島區韓式方便蛋奶素

估唔到呢間熱狗店原來有素食？！咁當然都只係蛋奶方便素，但有飯有粉絲有飯卷都唔錯㗎，鍾意食香口野和芝士仲可以食邪惡拉絲炸熱狗添！ 天后地鐵站附近，行一分鐘就來到這個Food Court，入面有數間小店，其中兩三間有素食選項。這次來吃近門口這間韓式炸熱狗，原來佢地都有飯和Gimbab等食物。素食選項不算很多，圖中圈住的是無肉方便素之選。 Potato Cheese Hotdog HK$36 熱狗棒有鹹也有甜，也可以揀沒有腸仔的口味。無腸仔呢，中間就係拉絲芝士，這款還加了炸薯條，雙重熱氣，但又真係幾好食，無諗過可以咁樣邪惡配搭，間中食一次幾得意。 Cheese Gimbab HK$45 最初見到有蔬菜Gimbab以為係素食，問店員先知入面有魚糕，反而芝士這款就無魚可以做蛋奶素食，味道都唔錯呀。 Bibimbab HK$58 (No Beef) 韓式拌飯本身有牛肉，素食者可以走牛，走左食落依然豐富，而且一次食到幾種顏色的蔬菜。右上角是韓式辣大豆醬，撈飯好惹味。 Stir-Fried Noodles HK$20 韓式炸粉絲本身都無落肉炒，聞到好香麻油味，入面有些菇片黑木耳等等，甜甜地幾好食。 #foodphotography#美食指南#放鬆#美食之旅#like