至Chill 的Pivo Czech Bar✨豬手必吃

至Chill 的Pivo Czech Bar✨豬手必吃 辛苦左幾個月今晚諗住同老公食餐好嘅 終於收樓順便好好慶祝一番🎊 我哋揀咗圓方上面一間餐廳 餐廳分開兩部份，有一部份係酒吧🍺，另一邊可以坐低慢慢嘆 睇餐牌樣樣都好吸引 叫咗兩個頭盤 「辣蟹肉蕃茄牛油果沙律」 $138 牛油果🥑痴嘅我梗係會叫呢個沙律 初初仲擔心佢會好辣，點知一啲辣味都冇 仲好清新好好味😋食完好開胃 「鮮無花果羊奶芝士煙燻火腿多士」 $108 呢個一樣係一道令人開胃嘅前菜 甜甜地嘅無花果夾着羊奶芝士， 加埋焗到好脆口嘅多士一齊食， 就好似食緊開胃小食一樣，記得要趁熱食 「即煮海鮮鍋」 龍蝦汁 鮮鮑魚 x 3 $138 北海道帶子 x 5 $168 皇帝蟹腳 300g $428 話明慶祝梗係食好啲，叫咗個即煮海鮮鍋，自選三款海鮮，我哋揀咗配龍蝦汁🦞 海鮮袋即場有職員幫你搖勻 佢本身入邊嘅汁已經好好味😋 而且幾鍾意佢唔係真係太多汁 試過去另一間食，因為太多汁， 每一次拎嘢食嘅時候都彈到成身都係 呢間餐廳嘅汁就啱啱好 鮑魚同帶子都好新鮮，鮮味無窮。 皇帝蟹腳反而麻麻地，唔算太入味 「捷克特色烤豬手」 $268 豬手絕對係必點菜式，估唔到咁大份，豬手焗到皮脆肉嫩，相當香口 帶鹹香嘅豬手配酒一流 因為太大份最後我哋食唔晒 拎左返屋企第二日再焗返嚟食一樣咁好味😋 即開生蠔🦪 $48-$68 隻 試咗兩隻都好新鮮，好肥美鮮甜 豆腐清酒雪糕、黑糖蜜、黃豆粉 $58 呢份甜品好有驚喜，估唔到酒味都幾濃 但係又越食越停唔到口 味道好夾會食上癮😂 你間餐廳真係坐得好舒服😌 下次帶埋父母嚟試下先🥰 Pivo Czech Bar (尖沙咀) 尖沙咀柯士甸道西1號圓方(Elements)頂層R004號舖 #全家出遊#景觀餐廳#浪漫約會餐廳#這個酒吧有點酷#美食探店#高cp值飯店#夏日美食攻略