值得花一日去探索嘅會安古鎮

早前飛往峴港旅遊，一落機就即刻坐車去會安古鎮，車程唔算好耐，大約45分鐘左右。 由於好想影點燈嘅畫面，所以訂左一晚酒店，位於古鎮嘅街頭。 古鎮範圍不大，基本上你漫無目的地行走，都可以行哂所有古鎮中具歷史嘅建築物例如福建會館、廣肇會館等等。如果你對相關建築物想進一步了解，可以預先購買pass就能夠進內參觀。而我就只喺門外面經過影影相，因為今次我嘅目標「劈啡」 人地話越南咖啡著名，我絕對認同，因為古鎮內有無數間裝修好靚嘅Cafe!我特意去食咗4間，其中一間係越南著名連鎖品牌「Highlands Coffee」，規模同香港嘅Starbucks相若。 古鎮好好行，道路寬闊，一點都唔迫。周圍都掛滿燈籠，隨時都會打卡點！ 行到夜晚，終於見到河邊嘅婆婆售賣放水燈，亦有人介紹你坐船遊覽，我係覺得好值得！ 古鎮嘅另一邊沿河會有酒吧，亦有夜市，入面有小食，手調同特產。 如果你嘅時間充裕，我十分建議大家留一晚行夜市！#峴港 #會安 #會安古城 #會安夜市 #越南咖啡 #休閑