已有千餘年歷史嘅皇家御用火神廟。

「火德真君廟」俗稱：火神廟，位於北京地安門外大街77號，係一座歷史悠久嘅道教宮觀。原為始建於唐貞觀六年（632年）嘅西藥王廟，明萬曆三十八年（1610年）改建為：火德真君廟，清乾隆二十四年（1759年）賜為皇家火神廟。火德真君廟坐北朝南，為三進院落，主要建築分佈喺南北中軸線上，依次為山門、靈官殿（隆恩殿）、熒惑寶殿（火祖殿）、斗姥閣、萬歲景命閣（玉皇閣）、三官殿等。