芭堤雅貝殼主題餐廳—人均50HKD

貝類就食得多，貝殼主題餐廳就少見。前排係芭堤雅嘅小珊瑚島發現左呢間全台店都係貝殼嘅餐廳，而且好有清新感覺，價錢又平。 所有菜式都係即叫即煮，望落細細份，但食落都幾飽下。 ࿂拋打豬肉飯࿂ 食落同平時食嘅差唔多，但勝在醬汁好味。魚露唔會過勁導致太鹹而辣度都岩岩好。 ࿂Pad Thai࿂ 醬汁唔錯，但略嫌河粉炒得唔太好，好團漿feel。如果鬆散啲會易啲食，食落會更好味。 另外仲叫左椰子冰，椰子沙冰打得好滑而且冇落過糖水都一樣咁甜 店鋪都幾多外國旅客同當地人幫襯，價錢算平而且環境好，一家大細黎都唔會覺好迫促。 地址：WQFH+W9C, Ko Lan, Bang Lamung District, Chon Buri, 泰國 營業時間：上午9-夜晚6 人均消費：50 評分：8.2/10 #曼谷景點 #芭堤雅 #芭堤雅好去處 #芭堤雅景點 #水上活動 #泰國 #特色餐廳 #foodphotography #境外遊 #週末遊 #浮潛