峇里特色打咭洞穴餐廳食fine-dining

嚟呢度嘅遊客，通常都係為咗去IG打咭泳池—the Edge， 而泳池隔離就係超有特色嘅法國菜fine dining嘅餐廳， 仲要係得獎餐廳嚟添， 餐廳仲要係真嘅洞穴入面， 用餐之餘職員仲會俾頭燈你好似個鑛工咁探洞打咭。 佢嘅tasting menu有三個唔同嘅選擇， 而我地就揀咗10個dish加兩個甜品嘅 version， 雖然係lunch，但都唔會太飽，食得晒水，份量啱啱好， 每個dish都好好食，好出色，仲唔算貴添，比起喺香港食fine dining。 而餐廳仲有特備節目， 就係每隔幾個dish就會熄晒燈有燈光show， 帶你置身係唔同嘅大自然世界入面， 除咗睇show，仲可以全程欣賞廚師們點樣製作每一道菜。 喺度食完lunch仲可以返番出去出面the Edge嘅泳池繼續游水打咭睇海景添！