阿姆斯特丹必去博物館之一✨梵高博物館 Van Gogh Museum

相信就算本身對藝術冇太大興趣嘅人都一定有聽過梵高呢個名✨ 梵高博物館唔單止收藏咗大量佢嘅畫作同信件手稿！ 而且佢係用一個講故事嘅方式去呈現~ 每一層都有唔同嘅時間線去介紹佢嘅一生 所以就算本身對佢唔太了解都唔會覺得無聊 因為可以一路睇佢嘅作品一路去了解佢嘅背景故事！ 關於佢長大嘅經歷✨佢同哥哥之間深厚嘅感情✨ 點樣由傳教士變成畫家🧑🎨 最後患上精神病，甚至自行結束生命 成個博物館可以睇到佢傳奇嘅一生 仲有佢身邊仲要人物嘅介紹！真係好值得嚟睇一睇！ 喺度除咗有佢最為人熟悉嘅作品，例如《向日葵》 圖4， 自畫像 圖2 3 5 仲有佢身邊有關既人物的作品，例如佢早年既朋友anthon van rappard的作品 《Tile Painters》 圖6 全館共有四層~我哋算係慢慢睇慢慢行大約花左2小時左右~ 館內設有免費locker!唔使擔心要拎住好多嘢行🤍 交通: 如果同我一樣係用一個city walk嘅方式去參觀阿姆斯特丹✨ 跟住地圖由阿姆斯特丹中央車站,一路經沿途景點慢慢行嘅終點站就係梵高博物館✨ 如果係打算搭車嘅話，可以喺阿姆斯特丹中央火車站坐2/12/5號車~大約4個字左右就會到達 門票: 由於梵高博物館係不設現場買票！所以最好預先網上買定~ 但係由於我係當日突然決定要去,去到門口詢問職員其實都可以scan QR code即場購買當日嘅票(22歐一個大人)！但未必有位！所以如果決定會去嘅話就記得買定飛先~ 另外圖7係Museumshop 📍Museumplein 4, 1071 DJ Amsterdam, 荷蘭 入面都有唔同有關博物館嘅精品賣！ 佢唔係喺梵高博物館入邊~佢嘅地點係經過荷蘭國家博物館之後一路向梵高博物館嘅方向行就會經過嘅一間shop~有興趣想買多啲精品嘅人可以順路去埋！ 梵高博物館 📍Museumplein 6, 1071 DJ Amsterdam, 荷蘭 #2024旅行回顧 #荷蘭旅行 #阿姆斯特丹 #梵高博物館 #阿姆斯特丹好去處