珠海凱悅住宿

横琴Hyatt Regency超驚喜入住體驗🥳 今次單身男仔過關專程入住橫琴凱悅Hyatt Regency，結合晒房間、泳池、餐飲各樣細節，整體體驗直接封神，絕對係珠海澳門周邊首選住宿，真心推薦大家來試下！ 首先必須大誇客房體驗✨房間整體格局方正通透，動線設計超合理，雙床空間寬敞舒適，床品柔軟度剛剛好。最鍾意入面嘅大浴缸，一日行街返工嘅疲勞落去浸一浸即刻全部散晒。房間一次性備品選用咗高質感Pharmacopia阿甘油潔面皂，含乳木果油同維他命E，護膚細節滿分。特別感謝客房部Nicole，夜晚特意送上蒸汽眼罩，仲附上親筆手寫暖心字條，字體溫柔又貼心。恰逢本人生日，酒店還貼心佈置咗小熊鋁膜氣球、彩色圓球同毛巾折嘅大象擺設，滿滿儀式感🧸，單人入住都充滿驚喜。 全體工作人員專業又細緻，重點表揚超高顏值值班經理林漢農Hannon，接待溫柔有分寸，無論諮詢設施、安排需求都處理得利落妥當，前檯、客房、餐飲每一位staff服務都到位，全程體感舒適，完全冇敷衍應付嘅情況。 戶外露天泳池區域真係度假感拉滿🌊，大片藍色馬賽克池水周圍種滿翠綠鴨腳木，成片木質獨立休閒帳篷躺椅、遮陽傘保養得非常乾淨，閒坐飲冰美式簡直一流。小小提一個超實用建議，如果泳池周邊增設QR code掃碼點餐服務，遊客唔使專程跑返大廈拿飲品小食，客人體驗更好之餘，酒店都可以增收額外營業收入，絕對雙贏。 好多人話凱悅係標準商務酒店，又標榜主打親子客群，但橫琴呢間完美融合咗商務高效、親子配套同度假休閒三大優點，無論出差公幹、情侶出遊、獨自放鬆都極之合適，呢趟入住體驗完全超出預期，下次過關一定會再返來打卡！

酒店啱啱新開左一排 地理位置 酒店設施 可以話係無懈可擊 一落樓已經係新開嘅大商場 商場以餐飲為主 好多大餐飲品牌都有進駐 係食個方面可以唔洗擔心 不過購物方面就差少少 酒店內有泳池同健身室 高樓層落地玻璃 視野一覽無遺 做個運動都份外寫意 酒店房格局開明 透徹得嚟又溫和 廁所係乾濕分離 美中不足係廁所部分空間較小 坐廁部分唔係用智能馬桶 沖起廁上嚟好唔就手 好容易掂到個坐廁 感覺欠佳 另外由於地點太方便 樓下行幾分鐘就係拱北口岸 叫車又好 坐車返酒店又好 一定係塞好耐車 出門前要預早計劃定 酒店職員由門口到大堂嘅每一位都服務好好 有問必答 詳盡介紹 雖然酒店係星級酒店 但可惜嘅係呢間酒店個客路差距好大 客 有啲住客行為上比較唔會係呢類型嘅酒店出現 所以令到整體入住感大減 如果想要比較寫意啲住宿享受嘅朋友 我唔太推薦住呢間酒店