14樓個溫泉一定要浸!望住呢個景浸溫泉真係好寫意。雖然地點唔近市中心堆熱門景點,但係酒店有天橋直接連接住地鐵海鷗線既「市場前站」,所以都好方便,但出新宿上野等地預返都要40分鐘左右,如果去夜街要留意尾班車時間。不過酒店好清楚自己既selling point 就係Tokyo bay 呢個景景,佢成間酒店都基本上任何方位都望到海景。如果鐘意食魚生壽司果類野仲可以去埋對面個豐州市場。
另外見大部分人話酒店早餐出曬名一定要食,魚生飯任食的確係好吸引,同人有人話都有質素,不過其他種類既食物雖然都好多選擇,但味道就麻麻。