台北圓山飯店

1） 服務係完美，每一個服務員都好有心去將呢一間好有歷史背景嘅酒店推廣出去。我覺得佢哋唔單只係酒店員工，而係台灣嘅旅遊大使 👍 2） 呢間酒店嘅外型當然係氣勢磅礡，充滿着中國建築嘅特色，自身其中就好似係一個宮殿裏面，感覺好夢幻。🐉 3） 設施方面，我主要係試咗個泳池。我覺得點都要抽少少時間去試一試，因為右下便游水嘅時候，望返上嚟，可以從另一個角度去欣賞圓山大飯店。🏊🏻♀️ 4） 食嗰方面，我係冇嘗試呢度嘅餐廳，所以冇comment。但係其實呢度同士林夜市大概15分鐘嘅路程，我哋去咗掃街，小朋友就可以去玩攤位遊戲，食完玩完之後，夜晚散步返去，感覺非常之好。🍢 5） 搭的士去故宮博物館大概係15分鐘，唔算遠，可以先放低行李寄存，再去行博物館，令到成個旅程充滿着中國文化，小朋友有所學習。🪭 6） 呢個酒店裏面有兩條秘密通道，可以參加酒店裏面安排嘅導賞團。我覺得值得去，因為導遊會好細心講解酒店裏面嘅細節，不知不覺間亦會分享咗台灣人嘅一啲政治立場，我覺得係一個有趣嘅體驗。🌸 7） 由房嘅露台望出去，景觀係非常之靚，好開陽，可以俯瞰到台北嘅景色，夜晚嘅時候夜景亦都非常燦爛。🌃 8） 如果要雞蛋裏挑骨頭，咁就係因為呢間酒店嘅歷史悠久，地氈同埋冷氣系統會有少少用耐咗嘅味道，但係係可以理解嘅。👌