住宿體驗好差,明明我地係trip.com訂房既時候已經入左2個大人1個小朋友先訂,同埋睇晒住宿政策係1-12歲小童可以免費入住我地先book,點知去到酒店check-in時我地3個人企晒係服務檯前面都無講過要再加人頭費!寄存完行李到夜晚6點之後去拎鎖匙同拎行李時又係完全無提過,直到上房見到無提供毛巾,我地打電話落前台問佢先黎話要我地加錢,地解釋左之佢仲話係trip.com既問題叫我地問反trip.com,於是我地拎埋入住憑證同電話落單時既詳細描述同前台講,同埋叫佢有問自己同反trip.com講,因為個平台係同佢地落單,佢地收到張order時就應該睇清楚我地係2大1小啦,自己confirm完又走黎臨時加絕對無道理,除非事前有講明要加收,如果唔係我地絕對唔會加,錢銀事小原則事大。最後嗰個女人見我地有啲嬲先好勉強咁話唔使我地加錢,然後先俾毛巾我地,搞到成件事係好勞氣,體驗感極差。
房好細,燈光偏暗,枕頭好扁,窗簾唔遮光,淋浴間好易漏水出黎,無位掛衫。
自助早餐好難食,得滷肉飯同沙律好食啲,其他都好垃圾,但求填肚就算,咁既質素仲要老屈我地再另外加錢俾小朋友,好彩我地一早拒絕,因為小朋友起身都10點幾,一早過晒早餐時段,加上咁難食加無謂專登早起去食。
惟一好係行去逢甲夜市10分鐘路程,同埋隔離就有間滷肉飯燉湯既舖頭,可以稍稍解決食既問題。
呢間總結係一定無下次!