深圳彭年萬麗飯店

酒店幾年前翻新裝修，整體設施不算殘舊，只是電梯比較舊。房有窗，可是對住另一橦樓房。 服務方面，若果前台職員面帶笑容會加分，送毛巾來的阿姨和燃餐廳早餐帶位的女職員，都很有禮貌，讚！ 至於，雲景軒旋轉餐廳的景觀一流，甜品好食，尤其 梳乎厘 。而服務的質素，便有很多進步空間吧。 早餐食物款式多，好食👍🏼 房間的整潔看來正常。睡覺的時候，突然覺得頸部很癢，應該係被蝨咬。早上起床，頸和肩都有咬。所以我哋食完早餐，執完行李便退房了。

呢次嚟深圳staycation，由於只係玩2日1夜，所以針對便利性，就揀咗呢間深場彭年萬麗酒店體驗下。 首先，呢間酒店位置喺金光華附近，無論係蓮塘(香園圍)定羅湖，搭的士或滴滴叫車過嚟都算好方便。 酒店正門可以上落車，係有藍空間，落雨都可以唔洗擔車上落車。 酒店大堂不過不失，左邊有cafe(入住可以領取雪糕)，右邊近門口係禮賓部(寄存行李)，行入少少就係酒店入住登記櫃檯。 酒店職員都幾友善，部分職員識講廣東話，入住時會送一袋水果(柑、桃同香蕉各一)。 留意入住要俾¥800按金，可以用支付寶、微信、現金或者信用卡，如果係支付寶、微信、現金，check out時同職員講聲就可以即時原路退回。 係信用卡可能要等好幾個工作天先退到 (以前去台灣住酒店用信用卡俾按金，最後等足14日先收返，呢點要留意) 房間有足夠空間感，無異味，整體都算乾淨企理。 門口左邊係衣櫃，裡面除咗衣架之外，仲有環保袋、洗衣袋、夾萬、鞋刷、鞋抽，比較特別係有熨斗同熨衫板，方便出差需要著西裝嘅人。 門口右邊係浴室+洗手間，一開門正前方就係洗手盆，洗手間門左邊有個長方形浴缸，浴缸本身比較薄，冇得坐喺浴缸邊咁上落，要小心跣腳。 浴缸仲有另一個缺點，水溫唔夠熱，反而洗手盆同淋浴啲熱水可以去到好熱，check out時有同酒店方面反映過，希望將來會改善到。 洗手盆隔離就係坐廁，會望到浴缸同洗手盆，對需要獨立空間先去到廁所嘅人嚟講會爭啲。 洗手間門右邊係淋浴空間，都好夠大，酒店提供shower gel、洗頭水同護髮素，都幾香，畢竟係萬豪旗下，唔會好cheap嘅。 再行入房內，左邊牆有電視，對住兩張queen size床，每張床有兩個枕頭，但係兩個枕頭都係一樣偏薄，鍾意厚枕頭嘅朋友可能會瞓得唔太舒適。 房最入面有一張茶几同長梳化，梳化較淺，椅背好直，要墊cushion先坐得比較舒服。 梳化對上有個好大嘅窗，可以望到出面街景。 電視機左邊地下有雪櫃，上面有4支水(酒店免費提供)，另一邊有擺移李嘅位置。 房間冷氣可以自行調節，試過校到15度，等咗好耐，室溫都仲係21度，瞓醒第二日先18度，怕熱嘅朋友一攞到房就要即刻校定冷氣溫度先好出去玩。 床頭插蘇可以用香港英式三腳插，除咗洗手間只有大陸插蘇位，其餘插蘇位都有USB位供電，都幾方便。 床頭有個電子鐘，上面仲有無線充電位，多嘢要充電嚟講，呢間房完全可以滿足到。 酒店地理位置真係幾方便，附近仲有連鎖牛肉火鍋店、燒烤店同港式茶餐廳，都係開24小時。 嗌外賣仲會由機械人送上房門，任何時間肚餓口痕都可以滿足到。 唯一係浴缸個水溫真係唔夠熱，本身想扣0.5分，但呢度評分冇得咁減，唯有減1分。 推薦大家出差或者短途旅行/staycation嚟深圳彭年萬麗酒店入住。

酒店靠近金光華廣場和國貿地鐵站，如果需要去看看老物件的話，可以往左邊走十幾分鐘左右到東門老街。大堂整體設計簡潔優雅，以深圳河為背景，將深圳和香港隔離開來，也表明着香港是中國土地的一部分。房間衞生乾淨整潔，設施設備維護完善，值得一提的是，員工的服務態度極其熱情和專業，很感謝Mina和Eason在微信上的有問必答和關心，以及贈送的歡迎水果，實在是滿意。