首爾多美迎住宿

第二次入住最佳酒店，真的感覺很舒服，首先從衞生環境來説衞生是做得非常好的，畢竟是多美迎連鎖。湯泉真的很舒服，主要這家酒店的人也不多，所以人不多的話，我感覺是衞生很多的。 旁邊也新開的便利店，還有咖啡廳，這是我第二次來之前第一次來的時候旁邊是沒有超市的，現在已經有了

今次嚟首爾入住咗一間日式連鎖品牌 Dormy Inn Express 仁寺洞，好壞各有但整體水準上。 地理位置：優越，最近嘅地鐵站去鐘路3街，共有3條線；去搭機鐵可以去鐘閣站，1號線去首爾站。樓下有便利店，大間的。 景點：樓下係仁寺洞步行街，有d店舖行下。另一邊有韓屋益善洞，步行都係10分鐘左右；樓下有小食檔，食到韓式小食。腳程15-20分鐘可以行到明洞。 膳食：今次無揀早餐，但有試過佢地免費提供嘅食品飲品，基本上每日一定去2樓大堂旁嘅welcome drink vending machine襟咖啡，幾好飲。夜晚就2樓餐廳飯宵夜，係佢哋Standard嘅拉麵。B2大浴場嗰層休息室有雪條 乳酸飲品 冰機，浸完再食條雪條係幾正。 設備：地下有WowPass機，可隨時增值兌錢，超方便！2樓大堂有行李磅，枕頭櫃，可隨意提取（個人認為要拎 因為房個枕頭太扁）B2有洗衣機 乾衣機，好熱鬧，成日都見住客使用。 房間：普通房間，床尾可以開到喼，今次帶去嘅2隻26寸喼都可以打開哂。房間電視有機頂盒，可以睇片，亦有得NETFLIX。書枱上有3個插頭+2個USB插頭；床頭旁有2個插頭，洗手盤旁有2個插頭，個人覺得算幾多，好方便。浴室無鈎掛衫，空間亦偏細；梳洗用品只有洗頭水沖涼液護髮素同埋一支洗手加洗面嘅清潔液，如果要搵化妝棉或者棉花棒，建議喺大浴場嗰度提取。 另外，床偏硬，枕頭偏扁 現時因為首爾天氣偏涼，冷氣機冇得調整溫度，一開始入房嘅時候覺得有啲熱但無法調整冷氣，打電話去前台問，就建議我哋開窗。夜晚開窗瞓嘅時候，樓下有時會有少少噪音，第二朝早嘅時候，出邊街道有工程所以會有少少嘈，唔開窗就冇相關問題。