富國島喜來登酒店

地理位置：一流， 去動物園call grab近，直頭係越版迪士尼隔離，坐佢架shuttle 5 mins 到  服務： 我地住pool villa, 要去main lobby要叫shuttle但等好耐。有失望因為villa出面既燈開唔到，黑漆漆，夜晚唔好行出去好危險加上電視睇唔到，夜晚話換另一間俾我地話everything ok 但個間電視都係睇唔到。到第二日夜晚問佢點先覆燈整唔到可以換villa,仲要話因為打去房搵唔到我未通知我，大佬我會出去玩架嘛而且我朝早有去酒店食早餐，早餐個時你唔講？後黎換左間係正main lobby旁邊，但私隱度無咁高，勝在行到去唔使等佢架車接送， 可惜浴缸水喉唔得，另一廁所無 refill conditioner, 到另一日處理返，酒店送左支酒俾我地。即係入住其間日日都有新野發生，整體真係好一般，接二連三事件感覺Sheraton退步左，而且係villa屋入面有小強！ 私家pool好正，細路好中意。清潔就好奇怪，完全無通知下villa pool 度有staff撈緊pool既樹葉，我地換好衫開廉就係pool見到個staff,所以我話私隱完全無，細路仔出到池邊想玩但staff完全無打算走,仲坐左沙灘椅用電話，我都無言了。 食物： 早餐好掂，多種類， refill快。  晚餐：唔得！ 試係daily social 晚飯但唔好食， BBQ SET入面蠔仲有蠔殼，龍蝦都唔新鮮，可能客人唔多去貨慢？ 個晚食飯得3枱客， 侍應會睇下你有冇需要，但唔太舒服既感覺，又唔識refill 水換碟，成日服𥄫你但又唔係幫手。 上餐既餐包凍既， 要request先整返熱， 我自己未試過食西餐個包係凍，我可能少去酒店晚餐，唔知酒店係咪都係咁，但第一感覺唔太好。食完侍應會問你滿唔滿意，反映完整返蠔俾你，都算係咁，但唔會有下次因為唔值唔好食。第二晚我出左grand world beachside個邊食，差唔多價錢，服務好好多，龍蝦，蝦侍應會主動去殼，見食飯碟多垃圾會主動岩時間地換，相反係酒店夠侍應都無咁。酒店後來邀請我去curry間餐廳食晚飯但我reject左，因為我去旅行都唔係食好多晚晚餐，唔想又中伏食唔好食既野，最後居然check out時free左餐，意料之外，但講真我情願好味都唔想咁，因為去得旅行預左使，想試地方既美食，諗住酒店食埋舒舒服服，見到無咩人留係酒店原來係有原因架。酒店周圍完全無野食，除非去grand world。