• 由巴黎人坐 701X 到達溜冰路 / 東亞體育館站落車已經見到酒店,行前 5 分鐘過對面斑馬線就係
這有個商場,門口有間便利店
• 酒店門口有免費接駁巴士去永利皇宮酒店
• 酒店門口有三個主題酒店的自動旋轉門入口(每格只能三位),其實邊個門口入一樣,無分别
• 酒店隔離就係上葡京綜合渡假村,經過澳門皇宮(後面可玩飛索),過馬路就係,上葡京綜合渡假村西門有免費接駁巴士去新豪影滙,威尼斯人,銀河巴士站附近,官也街附近
• 所有主題酒店都在葡京人酒店 lobby 做 check-in / out
櫃檯哥哥雖然無表情無向客人打招呼,但他非常好,默默用心工作,要求給一間 brown 房本人他都有求必應,亦講解房間位置會比較遠(本人訂了兩間房)
• 三間主題酒店都有自己個設計 lobby,非常配合主題
• 葡京人酒店都有免費接駁巴士出關口、碼頭、機場同口岸
• 酒店 lift 指示樓層主題房非常清晰(另一邊就非常暗睇唔清楚)
• 早餐在酒店 lobby 直行出去的燊哥冰室
早餐食物款式不多及味道普通,麵包類唔好食,最好食係扒豆腐,旺菜,南瓜排骨,椰汁糕
• 冰室再直行係商場,有麥當當等,有商店,2 樓有間 LINE FRIENDS 餐廳及遊戲區可打機
• 商場直行出外面原來是免費接駁巴士站,職員有禮可教坐,某一架亦可在官也街中途落車
• 房間走廊有間自助服務室(酒店簡介寫上每層都有),內有自助販賣機,冰機(壞了),有杯有即棄餐具提供
• brown 房企缸及浴缸花灑頭非常污糟,有漬,證明無洗下,及兩邊花灑喉斷了漏水的
地磚仍未黑仍未有漬
• brown 房係木地板,cony 房係地毯,brown 同 cony 房各一邊
• 拖鞋不是 LINE,有失望感
• 水係 bonaqua,非常好
• 床舒服,枕頭一軟一偏硬
• 游泳池在 2 樓,室內,天頂設計一部份玻璃用上天然彩光,光猛,用上白藍色,與天色一樣,靚,不過水溫 22 度,凍
女更衣室設計用上墨綠色,少少暗,少少似香港灣仔芬明酒店的設計
整體可以,如果係鍾意 LINE FRIENDS 的話就可以嚟下