福岡光芒飯店酒店

酒店房夠大，我哋揀咗高級雙人房，可以同時打開兩個大喼；床頭兩邊都有插蘇位（無USB 插）可以插轉插叉電。不過冷氣機頗嘈，對聲音好敏感嘅話未必接受到。 另外，如果要執房嘅話就要臨瞓前喺電視揀執房模式，如果唔係佢只會掛袋毛巾喺房門口。不過就算我哋揀咗叫佢執房，第二日都係無人嚟執，純粹掛咗袋新毛巾喺房門口。 頂樓有浴場同桑拿，重有洗衣機同乾衣機，不過其中一部洗衣機壞咗，遇著多人嘅日子真係要等好耐。浴場裡面有好多無公德心嘅人，沖完涼搞到啲清潔用品一地都係，亦都無將膠兜裡面啲水倒走，同埋無沖返乾淨個位，非常唔衛生。另外，略嫌換衫位嘅通風不足，好焗好熱。 整體嚟講，以佢嘅價錢係住得過，物有所值。